မီးခိုးတွေနဲ့ မြို့

ခွေးလေခွေးလွင့်တွေနဲ့  တိုက်မိတယ်

သစ်ရွက်တွေခဏခဏ လွတ်ကျတယ်

လေပွေတွေ  ထွေရာလေးပါး တလိမ့်လိမ့် လူးလာခေါက်တုံ့ကာ

ကိုယ်ချင်းစာစိတ် ကို

မိုးနည်းရေရှားရပ်ဝန်းလိုချူ ချူ ပါအောင် ချူယူရတဲ့အရပ်

နေကနေမဆန်  လကလမဆန်

ရုပ်ဝတ္တုတွေ  သိပ်ဆန်လွန်းတဲ့လမ်း

တစ်  နှစ် သုံး လေး  ငါး  စတင်ရေတွက်တယ်

တစ်ခုခု ကျကွဲ သံလား

တစ်ခုခု ကျကွဲသွားလား

တစ်ခုခု ကျကွဲနေသလားမရေရာပါ

တစ်ခုခု ကျကွဲခဲ့သံကိုတော့ စိတ်ကအတိုင်းသားကြားမိရတယ်

ပြန်မဆုံတမ်း

 လက်ျာလင်းနိုင်   

ညနေ ၄နာရီ ၅မိနစ် 

၁၅- ၁၀- ၂၀၁၂

ဆေးရုံ

နာတာရှည်  စင်္ကြန်လမ်းမများ ...

သာမိုမီတာတွေ..

ကုတ်ခြစ်တွန်းဖဲ့ဖျားနာဆောင်များ...

ဓားနဲ့  ကတ်ကြေးတွေရဲ့  သစ္စာ တရားလွန်ဆွဲပွဲများ...

ဘယ်လို စဉ်းစားစဉ်းစား..

သရေမရှိတဲ့ ပွဲခင်း...

နာကျင်ချိန် ပို အသက်လုပွဲများ...

သုခဘုံနဲ့...

စိတ်စေစားရာ ပြဇာတ်ကန့်လန့်ကာများ..

တနံတလျားဘ၀ရဲ့ ...

တထောက် တနား ကွန်းခိုရာ..........

လကျာ်လင်းနိုင် 

၁၅ မေ ၂၀၀၆ မှ စရေး ပြီး   ၁၁ ဇန်န၀ါရီလ တွင်အပြီးသတ်ရေးပြီး..

ဝိုင်

ကဗျာမရေးဖြစ်ပေမယ့်

ကဗျာမဖြစ်သေးတဲ့ကဗျာမှာ

အိပ်မက်ကိုရေဆွတ်ရုံလေးအေးနေအောင်ခူးမိတယ်။

မင်းရော!

တိမ်တိုက်တွေစီးမှာမဟုတ်လား

ရေစီးရေဆန်!

ကန့်လန့်ကာချလိုက်ရုံနဲ့လည်း

ဇာတ်သိမ်းပိုင်းကိုတန်းရောက်သွားတာမျိုးမဟုတ်တော့

ဆိုကြပါစို့ကွာ..၊

သနပ်ခါးနံ့တွေမွှန်ထူလာအောင်လွမ်းမိတဲ့သီချင်း

မင်းအမောပြေစေရာပြေစေကြောင်း..

မင်းစိတ်လိုလက်ရဆိုဖြစ်နေတဲ့သီချင်း

လက်ျာလင်းနိုင် 

၁၉၊၃၊၂၀၁၃

နွေဦးရာသီ ချစ်မက်ရနံ့

အိပ်မှုံစုံမွှား စိမ်းလန်းနေတာ

နွေဦးထင်းရူးတွေရဲ့အလှတစ်မျိုးလား

နွေဦးရဲ့လိပ်စာကတ်ပြားဟာ ရွှေရောင်ရော်ရွက်ဝါ

တယ်လီဖုန်းထဲကနွေဦးလမ်းတွေ ဆွတ်ပျံ့စရာနွေးလို့

နွေဦးကို မိတ္တူ ကူးသမျှ ရယ်စရာ သနားစရာ

နွေဦးပန်းတွေ ပျိုးကြဲသလို

နွေဦးကြယ်တွေကိုပျိုးကြဲယူခဲ့ရတဲ့သီချင်း

နွေဦးနဲ့ကျောချင်းကပ်သရုပ်ဆောင်ခဲ့

နွေဦးကြယ်တွေမှာ သီးခြားစကားရှိတယ်လို့မကြားစဖူး

ပရစ်ဖူးတွေကလည်းမြင်းမြီးဆွဲပါရမီဖြည့်လို့

တိတ်တိတ်ဆိတ်ဆိတ်ဆွတ်ပျံ့ ဖွယ်ရာဇာတ်ကားမှာမှ

နွေဦးခေါင်းလောင်းသံကိုခြွေချတဲ့မျှော်စင်

တောင်ဇလပ်နဲ့ ချယ်ရီတွေဟာ မပွင့်ပါနဲ့ တားမရဆီးမရ

နွေဦးအခွံမာအခွံပျော့သစ်သီးတွေရဲ့ သီးခြားလှပုံမျိုး

သံယောဇဉ်မကုန်သေးတော့လည်း

နွေဦးတောင်ပတ်လမ်းလေးကမြူတွေရစ်သိုင်း

နွေဦးညနေတွေဟာတိတ်ဆိတ်လွယ်လာတယ်

နွေဦးရဲ့အိပ်မွေ့ချခံမုဆိုးဟာ

တောင်ပေါ်တောင်ယာမီးနဲ့ အလွမ်းကိုမှနွှေးမိတယ်

နွေဦးရဲ့ ကျစ်ဆံမြီးရှည်လေး လွမ်းမိနေရတုန်းပါပဲ

နွေဦးရာသီဖြားယောင်းခံနေ့များ

လကျာ်လင်းနိုင်

ပိတောက်မြေမဂ္ဂဇင်း

မေလ  ၂၀၀၇

ပင်းတယ

နတ်သမီးခုနှစ်ဖော်စလုံးနဲ့ရေချိုးဆင်းခဲ့

ရာဇ၀င်လာအချစ်ဇာတ်လမ်းတွေနဲ့

ပုန်းတလုတ်ကန်ကြီး ရွဲရွဲစိုနေပါရောလား

ဇာတ်တော်ထဲမတော့

ရာမလိုပဲသုဓနုလည်းလေးညှို့တင်ခဲ့တယ်

မြင်းလှည်းနဲ့စက်ဘီးတွေအပြေးပြိုင်တဲ့မြို့ကလေး

တောင်တန်းတွေကိုသံလွင်ခက်လိုစိမ်းထားတယ်

ညမွှေးပန်းနံ့နဲ့မီးရောင်စုံတွေ

လှုပ်လီလှုပ်လဲ့လှိုင်းကြပ်ခွပ်တွေပေါ်အသော့နှင်ခဲ့တော့

နေ၀င်ရီမှောင်ညချမ်းချိန်

တရားဓမ္မ နဲ့ တလူလူလွင့်တဲ့စိတ်

သာသနာတော်မှာနွေးထွေးစီးဆင်းဆွတ်ပျံ့လို့

ဒွေးမယ်နော်ရဲ့ကျော့မှာ

တပြန်တလှည့် အမိခံခဲ့သူလည်း

သူ့အရိပ်ကိုယ့်အရိပ်ေ၀၀ါးရောထွေးတိတ်ဆိတ်လို့

သံသရာနဲ့ဇရာကိုလေးညှို့မတင်းနိုင်သေးသူပဲ

မြေနီလမ်းကျဉ်းလေးတွေမှာ ၀င်္ကပါလျှောက်တုန်း

မိုးမခပင်ညို့ညို့ တွေကစိမ်းညို့ညို့လွင်လွန်းကာမှောင်မှောင်ရီလို့

ဓမ္မ ခရီးတထောက်နားတာလား

ပျော်ပွဲစားလား

တိမ်တွေနဲ့ပါလာတဲ့ဝဋ် နာကံနာ အစွဲမကျွတ်သေးသူလား

သံသရာတစ်ဖက်ကမ်းကူးတဲ့အခါများ

ဧည့်သည်တွေကို အပါခေါ်ဦးနော် မြို့ကလေး

လကျာ်လင်းနိုင်

၂၀၀၉ ဇွန်လ - ၂၀၁၂ အောက်တိုဘာ

ပုထုဇဉ်

 ဒီနေ.မိုးမရွာဘူး

စိတ်ကိုတစိမ့်စိမ့်တွေးမိတော့

သစ်ရွက်မခြောက်တခြောက်တွေတဖွဲဖွဲကြွေတုန်း

ချာလည်သီးတွေတစ်ခြံလုံးပြန်.ကြဲနေတော့ကာ

ဒန်းကလေးကလွှဲသူမရှိကူရာကယ်ရာမဲ့

မိုးသက်လေနှင်တေးအလိုက်မျှော်နေတဲ့

သူလိုကိုယ်လိုမိုးစိုခံပင်လေးတွေသက်ပြင်းချတုန်း

ညို.နေတဲ့မျက်ဝန်းလေးကိုငေးမိရတယ်

လကျာ်လင်းနိုင်

၈ အောက်တိုဘာ ၂၀၁၂

မြစ်ကြီးနား

ထွက်ပေါက်တစ်ပေါက်တည်းနဲ့မြို့

ပြီးတော့

မင်း မနာလို ဝန်တိုစရာ

ဧရာဝတီကို ချစ်သူလမ်းကြားနဲ့ အနိုင်ပိုင်းထားတဲ့မြို့

မုန်းရင် မုန်းမယ်  ချစ်ရင်ချစ်မယ်

စကားသံက ဝဲဝဲ

စိတ်အနှောက်အယှက်ဖြစ်စရာ ချစ်စရာကောင်းလွန်းလို့

မင်းမသိလိုက်ခင်မှာပဲ

အချစ်နဲ့ မြစ်က မင်းကိုဝိုင်းထားလိုက်ပြီ

ရိုးရာမနောတိုင်ကြီးတွေတလူလူတလွင့်လွင့်

ရိုးရာခေါင်ရည်တစ်ခွက်နဲ့

ခင်မင်မှုတွေမီးပျိုးခဲ့တဲ့ဆောင်း

အကြောင်းမညီညွတ်တော့လည်း

ရင်ဘတ်ထဲ မြားစူးသလိုစူးနေတဲ့

ထုတ်ချင်းပေါက် ရထားလမ်းလေးကိုမှ တွယ်မက်မိခဲ့တဲ့

သံယောဇဉ် ခပ်ပျင်းပျင်းမြို့

မီးများမီးနိုင် ရေများရေနိုင်

မြူငွေ့တွေထဲမှာကြားနေတာ

ဂျင်းဖောမယ်လေးရဲ့ သီချင်းလား

မြို့ရဲ့ ရွှေအိုရောင်တေးသွားလား

ဆင်တူရိုးမှားနဲ့မဆိုင်သူတွေရဲ့ကစားပွဲလား

ကြိုးတွေဘယ်လောက်ဖြည်ရမလဲဆိုတာ

ကြိုးချည်ခဲ့သူတွေသာသိကြနိုင်ကောင်းရဲ့

မင်း

ကစားမှာလား နားမှာလား .. မြို့ကလေး..။

လက်ျာလင်းနိုင်

၂၃-၀၅-၂၀၁၀

၀၅း၅၅ မနက်စောပိုင်း