တနင်္ဂနွေ စာတမ်းများ

တိတ်တိတ်ဆိတ်ဆိတ် ၀င်လာခဲ့တဲ့နေ့တွေ ရှိသလို တိတ်တိတ်ဆိတ်ဆိတ် ထွက်သွားခဲ့တဲ့ နေ့တွေလည်းရှိတာပါပဲ။ တကယ့်ကို တိတ်တိတ်ဆိတ်ဆိတ် လေးပါ။ တိမ်တွေက မှောင်ရီသန်းလို့ ဆည်းဆာက တရိပ်ရိပ်ထိုးကျလာနေတယ်။  ရေကန်ပြင်မှာ သစ်ပင်တွေရဲ့ အရိပ်တွေဟာ ဆည်းဆာရဲ့ တွန့်လူးရိုက်ခတ်မှုနဲ့ ၀ိုးတ၀ါးတုန်ခါလို့..၊ ဒါဟာ ကျွန်တော်တို့ သိခဲ့တဲ့ဘ၀ရဲ့ တစိတ်တပိုင်း ဖြစ်ချင်ဖြစ်မိမယ်..။ ဒါပေမယ့် မမေ့နိုင်တာတော့သေချာပါတယ်။ ကျွန်တော်တို့ ခွဲခွာခဲ့ကြတယ်လေ။ ကျွန်တော်တို့ သိကျွမ်းခဲ့ကြတဲ့ တစ်ယောက်တစ်လေမှ ဒီဆည်းဆာမှောင်ရီဝိုးတ၀ါးမှာ မတွေ.မမြင်ခဲ့ကြတော့တာ သေချာပါတယ်။    ကျွန်တော်တို့ သိကျွမ်းခဲ့ကြတာ တိုတိုတောင်းတောင်းလေးပါ။  ပြီးတော့ သစ်ပင်တွေရဲ့ ရနံ့ဟာ သိပ်သည်းကျစ်လျစ်လာတယ်။ ဘယ်ကမှန်းမသိရတဲ့ လေဟာ ကျွန်တော်တို့တတွေကို တိုးဖွကျှီစယ်ကောင်းကျီစယ်မိမယ်။ ရေကန်ပြင်မှာ လှိုင်းထနေတာ ကျွန်တော်တို့ရဲ့ အရိပ်တွေပဲလား။ ကျွန်တော်တို့ ဖြတ်သန်းခဲ့တဲ့ အဖြစ်သနစ်တွေရဲ့ ရီဝေနှောင်ဖွဲ့စရာ နောက်ခံကားချပ်တွေ ပဲလား။ ပထမဆုံးအချစ်ဦးနဲ့ ရီဝေတုန်လှုပ်စရာအနမ်းနဲ့ ပြီးတော့ နောက်ဆုံးတစ်ခေါက်ရဲ့ ရှည်လျားတိတ်ဆိတ်တဲ့ အနမ်းလိုမျိုး     

လမ်းပေါ်မှာခြေသံတွေတိတ်ဆိတ်သွားခဲ့ပြီ။ တိတ်တိတ်ဆိတ်ဆိတ် ထွက်သွားမယ့် သူတွေ…၊ ထွက်သွားနှင့်သူတွေ ၇ှိကောင်း၇ှိပါလိမ့်မယ်..။ တကယ့်ကို တိတ်တိတ်ဆိတ်ဆိတ်လေးပဲနေမှာပါ။

နွေဦးရဲ. ရောင်စုံအမှတ်တရတွေလည်းတိတ်ဆိတ်လို့ …။ 

လက်ျာလင်းနိုင်

မြို့ ကြီးနှင့် စကားစမြည်ပြောခြင်း ( ၁ )

နွေမကူးတကူး နေ့လည်ခင်းရဲ့ ဆေးရုံအသွား ဘတ်စ်ကားတစ်စီးပေါ်မှာ မြို့ကြီးနဲ့ စကားပြောခဲ့တယ်၊ လူဦးရေပေါက်ကွဲမှုဆင့်ကဲဖြစ်စဉ်တွေကို မနိုင်ဝန်ထမ်းထားရတဲ့ မြို့ကြီးရဲ့ ၀မ်းဗိုက်အတွင်းမြှေးတွေဟာ အထိမခံနိုင်လောက်အောင် ရောင်ကိုင်း ဖောင်းကားလို့၊  မြို့ကြီးရဲ့ မျက်လုံးတွေက အဝေးကြီးကို မမြင်နိုင်လောက်အောင် မှုန်သီေ၀၀ါးလို့။  မြို့ကြီး ရဲ့ တဟွတ်ဟွတ်ချောင်းဆိုးသံထဲမှာ မီးခိုးတွေ အူလှိုက် သည်းလှိုက်ထလို့၊ မြို့ကြီး ရဲ့ သွေးကြောတွေကို ဖောက်မိလိုက်ရင်ပဲ သွေးဖြူဥ၊ သွေးနီဥတွေအစား ရောင်စုံတက်စီကားတွေ ဝေါကနဲ ထွက်ကျ လာတော့တယ်၊ ရောင်စုံ တက်စီကားတွေဟာ မြို့ကြီးအတွက်တော့ တစ်ဝမ်းတစ်ခါး အတွက် လှုပ်ရှားပြေးလွှားနေရတဲ့ ကျွန်တော်တို့ သွေးကြောမွှာ သွေးကြောမွှားထဲက အပြေးသမားတွေနဲ့ အမြဲတမ်းဆင်တူတယ်။ မြို့ကြီးက သူ့အနာရွတ်တွေကို မြင်သာရုံလောက် အကျီင်္ကိုလှစ်ပြတယ်၊ ခဏလေးလိုပဲ၊ ဒါပေမယ့် အသည်းခိုက်အောင် နာခဲ့တာတွေမှန်း ကျွန်တော်ရိပ်မိတယ်၊ ဒါပေမယ့် သူပြုံးနေတာ ကျွန်တော်မြင်ရတယ်၊ မြို့ကြီးက သူ့ဓာတ်ပြားကို စဖွင့်တယ်ဆိုရုံလောက် စကားပြောတယ်၊ အနာတရစကားတွေဟာ ဘယ်နားဝင်ချိုပါလိမ့်မလဲနော၊ ဒါပေမယ့် မြို့ကြီးက နားဝင်ချိုအောင် ကြိုးစားပြောမှန်း သိသာလွန်းတယ်၊ သူဝမ်းသာနေပုံရပေမယ့် ၀မ်းသာဖို့အချိန်တွေ အများကြီးသိပ်မရှိတောတာ သူနားလည်ထားမှန်း ကျွန်တော်ရိပ်မိပါတယ်၊ ထားပါတော့လေ၊ နွေမကူးတကူးနေ့လည်ခင်းရဲ့ ဆေးရုံအသွား ဘတ်စ်ကား တစ်စီးပေါ်မှာ မြို့ကြီးနဲ့စကားပြောခဲ့ရတယ်၊ ပြင်ပလူနာဋ္ဌာနအထိ လိုက်ပို့ပေးခဲ့တယ်၊ “ပြင်ပမှာပဲအမြဲတမ်းရှိနေတဲ့လူနာပေါ့ဗျာ” လို့ကျွန်တော့ကို နောက်တောက်တောက် ပြောသွားတဲ့အထိ သူ့အချိန်တွေကို သွေးအေးအေး ရင်ဆိုင်နေတုန်း မြို့ကြီးကို ကျွန်တော်ငေးနေမိတယ်၊ ခင်ရမင်ရတဲ့ လူတွေနဲ့ အတူနေရချိန်လေးတွေဟာ ဘာမှမကြာလိုက်သလို သိပ်အကုန်မြန်တာပဲလို့ တစ်ခါတစ်ခါ မတွေးမိဘူးဖူးလား၊ ဒီလိုပဲပေါ့၊ နေ၀င်ချိန်ဟာ ကျွန်တော်တို့ စကားပြောနေတုန်းမှာပဲ ကျွန်တော်တို့ကိုယ်ပေါ်မှာမှ တမင်တကာ လာနှုတ်ဆက်လာတယ်။ ထင်မိစရာမှိန်မှိန်လေးလင်းလာတော့တယ်၊ ကျွန်တော် နောက်ဆုံးမှတ်မိနေတာကတော့ မြို့ကြီးကို မေ့ဆေးအုပ်လိုက်တုန်း နောက်ဆုံးမြင်လိုက်ရတဲ့ မြို့ကြီးရဲ့မျက်လုံးတွေပါပဲ၊ အသည်းမာမာနဲ့နှုတ်ဆက်သွားဖို့ ကျွန်တော့ကိုသတိပေးလိုက်တဲ့ နောက်ဆုံးထွက်သွားတဲ့ ရထားတစ်စီးရဲ့ ဘီးကြိတ်သံလိုပဲ၊ ကျွန်တော့ကိုအေးခဲသွားစေခဲ့တယ်၊ နွေမကူးတကူး နေ့လည်ခင်းရဲ့ ဆေးရုံအသွား ဘတ်စ်ကားတစ်စီးပေါ်မှာ ကျွန်တော် မြို့ကြီးနဲ့နောက်ဆုံးစကားပြောခဲ့တယ်၊

လကျာ်လင်းနိုင် 

၂၆၊၁၊၂၀၁၃

၂း၂၄ နေ့ခင်း